Isa 12 | THOT | STEP | וְאָֽמַרְתָּ֙ בַּ יּ֣וֹם הַ ה֔וּא אוֹדְ ךָ֣ יְהוָ֔ה כִּ֥י אָנַ֖פְתָּ בִּ֑ י יָשֹׁ֥ב אַפְּ ךָ֖ וּֽ תְנַחֲמֵֽ נִי ׃

Isaiah 12

1 וְאָֽמַרְתָּ בַּיּוֹם הַהוּא אוֹדְךָ יְהוָה כִּי אָנַפְתָּ בִּי יָשֹׁב אַפְּךָ וּֽתְנַחֲמֵֽנִי׃ 2 הִנֵּה אֵל יְשׁוּעָתִי אֶבְטַח וְלֹא אֶפְחָד כִּֽי־עָזִּי וְזִמְרָת יָהּ יְהוָה וַֽיְהִי־לִי לִֽישׁוּעָֽה׃ 3 וּשְׁאַבְתֶּם־מַיִם בְּשָׂשׂוֹן מִמַּעַיְנֵי הַיְשׁוּעָֽה׃ 4 וַאֲמַרְתֶּם בַּיּוֹם הַהוּא הוֹדוּ לַֽיהוָה קִרְאוּ בִשְׁמוֹ הוֹדִיעוּ בָֽעַמִּים עֲלִֽילֹתָיו הַזְכִּירוּ כִּי נִשְׂגָּב שְׁמֽוֹ׃ 5 זַמְּרוּ יְהוָה כִּי גֵאוּת עָשָׂה מְיֻדַּעַת ^{▼▼For Ketiv מְיֻדַּעַת Qere= מוּדַעַת} זֹאת בְּכָל־הָאָֽרֶץ׃ 6 צַהֲלִי וָרֹנִּי יוֹשֶׁבֶת צִיּוֹן כִּֽי־גָדוֹל בְּקִרְבֵּךְ קְדוֹשׁ יִשְׂרָאֵֽל׃פ